Përplas me mllef sonte gjithë natën
Pikat e randa i derdh mbi pullazet pa rend
Hidhesh dhe nuk ndalesh
Sikur lutesh dhe falesh
Herë mbi det herë mes malesh!
Po ndalu pak more Zotni
Se Ulqinit nuk I ka hije ky shi
Pak gjum dua të thëras n’kapak t’rëndum pleqnije
E disa shekuj t’i kthej k’ti vendi që gjithmonë asht nën hije
I lanun mbas dore
Si zabunqarja nuse puntore!
Pak di’ll aman na bjen
Se ditë ikin dhe ndarja sa shpejtë më vjen
Nuk mund me t’pa tuj qa
Ata pika tuj I përplas me mlla
Askush nuk t’i ndëgjon hallet e shekuj me radhë
As zani hoxhës n’minare n’këtë sabah që ka ardhë
Asnji Vezir ty s’ka ma çka t’ban
Aq shumë të paskën randu e ba dam!
Par Ti nuk bjen as nuk rrëxohesh
Se me dashnitë e tua mbrohesh
Pikat që përplasen e hidhen mbi ty
Janë pikat e lotit që qerpik të kanë në sy!
Nalu, nalu tesh o shi
Se veç di’lli I ka hije k’ti Zotni
Shpatën e armën ma të fortë që ka
Asht di’lli, deti ,ullishta dhe e vetmja Kala!
E k’ta tjerat…?
S’ka shi e fërtona që munden me I la !