Derë e madhe
Herë patkonj kali n’oborr
E herë shkrepje vetime
Herë jam hapë vet
E herë më kanë shty me zor,
Herë ca f’mi tuj lujtë
E herë me sedrën time
Kam rujtë lule kadifen
Që më asht rritë n’oborr!
Me rujtë emnin kanakut
Me mshef çka ka mbrenda,
At çka mbyll dera
E at çka shkrun pena,
Derë e mirë kanë thanë
E derë që nuk asht koritë,
Ashtu dikur thojshin
N’gjytet edhe n’Mërditë !
Derë e madhe dikur
Fisnik kanë dalë nga unë
Jam çel e jam mbyll
Sa herë jam ba shkrum
Me mbajtë namin fisit
Me mbajtë namin plisit
Deri sa jam lodhë
E deri sa jam rrozbit,
Edhe kur asht shkri qirini
Unë ala kam mbajtë dritë!
Derë e madhe thojshin tynaherit !
Jo për derë por I thoshin njerit!