Ma moj bi ,me erdh baba im në andërr at natë
Mas i gjuj se baba yt isht rritë me teprica dhe e ka xan gjumi ,sa herë me bark t’thatë.
Kam qenë i vorfun e jam rritë me njikta teprica
Ka pasë vorfni kombi jonë at vakt, dhe njashtu isht rritë shumica.
E kam përzi kosin me shtat’a tet’ lugë uj
E kam hangër t’tharptum e jam ul n’gjunj
Zani kurrë pa m’u ni
E barku pa u n’gi !
Pak bukë kallamoqe në dorë e kemi marrë
Na janë ngri durt e faqet ,tuj lujtë n’abarr
Kry nuk kam çu moj bi ,kurrë asnjiherë
J’a kam ditë jetimit ,e fukarasë çdo herë!
Kam qenë i vorfun moj vajzë e jam rritë jetim ,
Prej katundit n’qytet me sa mallëngjim.
Kurrë nuk kam ditë çka isht laznimllyku
Shumë hejret m’kan xan hallet e dyrnjallyku!
Nigja ç’pa t’thotë baba ,dhe amanet pa ta la
Me ja ditë hallin gjithkuj sa t’jesh n’këtë dyrnja !
Fukarallyku isht i shëmtum moj Bardhja ime
T’lëndon sedrën dhe shpirtin fort ,por të falë aq shumë në zemër bekime!
Atyne dromcave dhe tepricave dija gjithmonë vlerën
Askend mos e nënçmo dhe askuj mas ja myll derën!
Kimetin bukës gjithmonë me ja ditë
E n’dorë kur ta kesh paren,mas me t’çaraditë .
Ja babë ja, besej që e ke ditë që t’kam pasë zemër e shpirt
Secilës dromcë vlerën ,kam me u mundu me ja ditë .
Ke qenë meleq o babë , me dy kambë n’dyrnja
E kalumja jote shpesh herë,msheftas në sy t’ka qa!
Tri herë o babë kam me mendu ,bukën kur ta gjuj
Ballin në andërr kam me ta puth ,sa ma shumë që t’muj.
A me rri në këtë andërr ,bile sa t’më del gjumi
M’le ta ruj këtë andërr ,mos t’ma fundos lumi.
Edhe pse pa drejtë ma ke ba at Ramazan,
Nuk me ke prit , me ma pa lotin kur kam mrrit n’aksham !
Babë , e dajmë bashkë këtë andërr ,e dromcat t’i mbledhim bashkë
Se veç në gjum e n’andërr ,mund me t’thanë sa shumë t’kam dashtë!
Kur kam ardhë n’Ulqin e gjallë nuk t’kam gjetë
Sa t’jem gjallë n’këtë jetë ,m’lla ka me më met!
E bile më rri n’këtë andërr t’çmallem e dromcat e jetës t’i mledhim,
Bashkë da halle t’jetës t’i ndajmë e në andërr t’i hedhim .
Sa i mirë ke qenë…..meleq e bumallë
Sa herë të mbledhi dromcat e bukës
Para se i gjuj,
Kam me i puth me mall !