Dhe unë mbylla në lëvozhgën e arrës dhimbjet
Kryeneçe u bana
Shkamb dhe gur
Gastare që thehet e nuk ngjitet kurrë
Tempull për gra dhe nana
Nur në terr si hana!
Si çdo nanë, vajzë dhe çdo gru
U bana krahnor dhe shpatull durimi
Lule në oborr dhe konak
Nektar për bletën çdo ditë ngapak,
Kru që as ndryshket as shterret
Krenari që as shitet as blehet!
E kur kemi le ,mahzum për ne janë ba
Nuk ishte kohë për varza ,nana dhe gra
Shtyllë e temel për shpi
Zanin pa e çu e zani pa na u ndi
Asnjiherë s’e kemi ditë
Që bota pa ne asht terr
Lule m’lule si bleta kemi shku
Lulet mos me damtu e hiç mos me i lëndu!
Vajzë, gru, nanë
Motër, gru e gjyshe
Pa sabrin tonë
Bota do të ishte ndryshe
N’qyp mjaltë kemi mbledh
Gonxhe n’gonxhe tuj bredh
Kulmin e pragun jemi mundu me majtë
Kur jemi ba nuse dorën na e kanë ly me mjaltë!
Traditë ma e bukur e jona
Për shtyllën e kullave tona!