-Pse po qanë moj bi ,kush të ka mërzitë?
-Disa horra të huaj që të kanë grabit?
– Mos u mërzitë o kaltroshe fshiji ato lot
– Ose ka me i përbi vala ose i Madhi Zot!
– Dora si elmaz, të ka mbajtë me vite
-Verës edhe dimnit bukur të gjithëve na prite
-Dora e huaj n’Ulqin nuk ka aspak vend
– Kthen’ja ulqinakut bukën si të bukurin shpend,
-Po hjedh valët tua deri ke guri Gjeranave
– Nuk ka vaj ma të dhimshëm se vaji atyne nanave
-Çdo pëllambë e asaj Plazhë asht e ulqinakut
-Pse gjithmonë o të mjer i veni dry kanakut!
– I Zoti i shtëpisë asht përmbi dy mi vjet
– Na vijnë disa horra nuk na lajnë të qetë !
-Ku ka ma butësi dhe njer’zi si n’qytetin tim,
– Leni të qetë ju lutem mos e mbushni idhnim !
– A pak na dëbuat nëpër botën e huaj
– Leni pashë sytë e ballit e shporruni në vendin tuaj!
– Lakmija ka me ju vra për ma të bukurin qytet
– Sarandën dhe çdo gja tjetër,ktheni pronarit të vet
– Nuk grabitet Deti nuk grabitet toka
– Të gjitha tentimet e juaja janë haram të kota!
– Ti moj bi mos qaj ,deti ta përbin lotin
– Shpëtimtar gjithmonë ke pasë uzdajën edhe Zotin!
-Copat t’i kanë vjedh, copat t’i kanë grabit
-Por kurrë me të marrë fare nuk kanë me arrit!
-Gjysh e stërgjysh ilir i vjetër me namë
-Mallkimet e tua ziliqarët nji ditë kanë me i xanë.
-Kafshatën e gojës në derë të vet t’konakut
-Mos gaboni me ia marrë mos i hyni hakut !