Ah me mujtë

Ah me mujtë

Ah me mujtë edhe këtë di’ll Ulqinit me ia zaptu
E zemrat tona me na u rahatu
Me mujtë edhe ranën me e marrë era
E Kalasë me ju m’yll dera!
Ah at Valdanos me mujtë prap me e kthy
E tanë portat e Kalasë me i thy
Eh me mujtë me e marrë komplet at vend
E mileti dikur me xan mend
Me u zgju prej gjumit e me fërku sytë
Bukurinë e ati vend kadalë e ka m’ytë
Pa ja ditë ati vend aspak kimetin
Mik tuj e ba t’hujin e hasëm t’vetin!
Ah me mujtë at milet edhe pak me e lanë n’gjum
Nuk da hyqymeti asgja ma shumë!
Tana me ia marrë avash me marifet
Me mujtë njat di’ll me ia marrë me tanë njat det!
Lakmija për at vend gjithmonë na ka vra
Na shkatrra e grabit, ata mas ban za!
Ah me mujtë tanë at rini t’bukur me e përzanë
E me mujtë Ulqinin me e lanë pa dritë pa Hanë!
N’Amerikë me pasë me I çu e da nepër Europë
Shumicën n’Australi me i çu sa ma lerg prej k’saj tokë!
Se tanë at bukuri që Perenija ia ka falë
Kimetin ia dijnë veç ata që përvlohen mallë !

Photo: Putney Bridge