-Oooooo hej o burra ,a keni gjujte gja sat se dje kemi pase petë ,par me si petat me shpend të gjuetarve nuk ka lezet . Rosa , pata ,jeshili ,kuqla ,turtulli,shepka …..
A dini he burrat e botës se peta isht diςka speciale ,edhe nuk keni ςajre pa na i pru da shpend.
I shtijme ne friz e bajme kismet edhe nja dy javë, e pa ta thirim Nikollen me familje se me ka thane qe e ka marre malli shume.
A dini more se Shaban Kallari Buqi ,kur ka diplomu ne Opati me 1970 ,ka pa specialiten me shepka , dhe tane kuzhinjerat ma te njoftun nga Evropa ,kan hjek fesin e kane ba temena.
Aman o gjuetar mas na koritni ! Se dihet fart mire peta me cka bahet !
Peshk e shpeni Ulqinit ala nuk i kane shterr e mas i shterrshin ishalla !
Sonte pa ju kaznisim qe nuk na keni pru shpend per pete ,e pa kalojme pak ma lehte iftarin !
-Mire moj ta marsha t’keqen ,hajte se mblidhemi e shkojme ne gjueti ,pa ku me marre ma at kohe !
Edhe ciftja na ka nise me u ndryshke ,par hajte se per ju moj fllanzat tona na bajme c’mosin .
Hajte tesh mas na cani rrashten e bani iftarin se kismet javen tjeter per ju shkojme edhe ne Dalmaci ,Itali e ku doni ju e ju bijme shpen per pete .-
Hilmo,Bito, Hodo ,Buqo ,a ka mere me ata gjuetite e juja ma ?
Eeeehheeej pushka kris ,e zemra gris ,
Peta me shpend duhet me u begenis
Kush e gjujti more kush ka xan ,
Zonja shp’ise pervloji n’sahan .
Fluturoj e lumtun ,mbi qiellin dhe detin
Gjuetari m’shkrep plumin pa nji pikë mëshirë
Bie për tokë ,dhe vdes me hall të shkretin
T’vdes për qef t’gjuetarit sa asht e vështirë.
Fllanza, fazani , shkurtëza pupulaqe,
Sa e zbukurojmë qiellin si gurë margaritar ,
Pelikani lazdran , pëllumbi me pika në faqe
Lindim për gjuetarin ,jetën me na e marrë!
Petën dhe orizin ,sa shumë e hijeshojmë
Jetën na e marrin ,për shije të gojës
N’trathëti na vrasin ,lart kur fluturojmë ,
Dëshmore shpesh bijmë ,si legjendaret e Trojës !
Gjyna pak s’ju vjen ,o ju gjuetar ,
Për pikën e qefit t’na rrëzoni nga qielli
Të vrisni nji shpirt pa faj ,ju baheni mëkatar
A vritet krijesa mbi qiell,a shuhet nji rreze dielli ?
Albatrosi, gugashi gjeraçina e bukur
Mëllenja , kanarina dhe zogjët shtegëtar
Zbukurojmë qiellin , botën e bëjmë të lumtur
Dhe unë turtullesha gjorë ,që jetën ma kanë marrë!
Ndalu o gjuetar ,o ti trimi i pushkës ,
Vare at pushkë në mur,fishekun gjuaje në kashtë
Fllanzën e malit fisnike dhe asaj të fushës
Mos ja ndalni kangën ,por këndoni bashkë!
Kangën e Tahirit ,me merak e këndoni
Si kangën ma t’bukur ,për at gjuetarin
Zagart edhe gjonjën ,kurrë mos i harroni
Sa herë me thëllëzën ,kangës ia marrin !
Fisheku nuk shkrep ,u deh nga hyjnija
Fëllanzës mahnitëse me gjithë shpezët tjerë
Nga gjoja gjuetari ,durëthatê u kthy ke shpija
Turtullesha e ti fisnike ,ia çeli me gaz at derë.
O mori pushkë o pushkë ,ti moj grykë florinit ,
Mos u shkrep pa vend ,aty ku hiç nuk duhet
Mos na i prek margaritaret ato zogjët e Ulqinit!
Ruaje o trim fishekun ,për atdheun fisheku ruhet .
Ti moj pushkë që shkrep ,ti moj grykë e vjetër ,
Leni zogjët mbi qiell le të fluturojnë
Mos lejoni të na ikin ,në nji botë tjetër
Janë engjujt e qiellit ,Ulqinin e zbukurojnë !
Turtullesha ime,pushkën po e vari ,
Unë gjuetari vjetër ,kurrë ma nuk të vras,
Fluturo lartë ,dhe ma sjell nji gjeth lari
Eja më hyp në krah ,sa herë që të thëras !
Kangën e Tahirit ,eja ta këndojmë bashkë
Deri në Çamëri dhe gjithë trojet shqiptare
Eja turtulleshë ,se me shpirt të kam dashtë
Pushka asht për trimin ,atdheu kur s’ka çajre !
Shqiponja ju prinë ,të gjithë tokave tona
Qiell ma krenar ,nuk ka askund në botë,
Deri n’Kalabri larg le të shkon jehona
Me mua Tahirin,këngën ta qajmë me lot !