Të gjitha dertet dhe gëzimet
Derdhen në gjuhën tan’e
Aty fillojne
Aty mbarojnë
Aty sa bukur tingëllojnë
T’kullume si tamël nane!
Të gjitha hallet qahen
Veç me gjuhën e nanës
Aty kuptohen
Aty vajtohen
Aty s’harrohen
Jehojnë me lashtësi t’Therandës!
Shqip kur flet me mik
Zemra të bahet si ushtimë malesh
Aty gëzohesh
Aty krenohesh
Aty rritesh e shtohesh
Fol shqip o i bekum fol shqip edhe kur flet edhe Zotit kur t’i falesh!
Se t’bekumun jemi për këtë gjuhën tonë
Asht ma e bukura ,ma bukur nuk ka ku shkon!
E kur të vesin sa asht kjo gjuhë e vjetër
Thuaji se asht antike si asnji gjuhë tjetër!