Tren për nji botë ma të mirë
Më fal Zotni,
Ku gjindet treni për nji botë ma të mirë
Ku ka lule të bukura
Aroma të mira dhe njerëz me zemër të dlirë,
Por me shumë drejtësi dhe në mendje thelësi?
A mundesh t’më drejtosh në trenin e Ti
Biletën e kam ble ,por ku ta gjej se di !?
Jo moj bi ,tren të tillë nuk ka ,
Biletën mos e kthe, mbaje dhe ruaje fort
Por sa herë ta shikosh at biletë
Ta dish që të kujton
Deri sa të rron
Se për nji tren të tillë
Duhesh të bahesh drejtuese ti vet
Të mbushësh qypat me mjaltë si bletë ,
Ambelsi fal dhe dashuni shpërndaj
Qesh kur të qahet dhe mos u mbush vaj,
Hec mbi hekurudhë me vagonat e jetës
Mos lyp tren të tillë por rritja vlerat biletës.
Biletën kthyese të gjithë e kemi
Dikush drejton timonin,por rrotulla e historisë sillet edhe nga treni ,
Nëse ti moj bi ,at timon e merr vet ,
Vagonat e rënduar,marrin ngjyrë të zbetë ,
Ose ia del faqebardhë në fund të ati udhëtimi
Ose të shkel treni me at biletë mashtrimi !
Zgedh e merr o bi,nuk asht aspak e lehtë
Rrugë dhe as tren tjetër nuk ke me gjet,
Ndegjo mirë çka të thashë
Zoti gjithmonë në kujdes të pastë
Ama fati…..biletën ma të shtrejtë gjithmonë ta dhashtë!
