Nuk ka nevojë të jemi as historianë as ekspert në ekonomi apo shkencë, as intelektualë .Të kuptojmë që Ulqinin dalë nga dalë po e zhveshin nga thesaret e veta e kupton edhe një fëmi apo një zog në degë. Dita ditës neglezhenca e vet qytetarëve po e mbytë ngadalë Ulqinin .
Ulqinin po e mbytë vet Ulqinaku !
Një qytet që ka bukurinë e Canes,Monte Carlo ,Nice dhe qyteteve më atraktive të botës sot dalë nga dalë po bjen viktimë e heshtjes të vet qytetarëve .
Një mbi një të shkretit i bijnë padrejtësitë .
Jadrani ,Galebi,Valdanosi ,Solana, ullishta,ndërtimet pa leje , votat e gabuara pa merita dhe tash ma në fund zbulimi naftës. Ende pa u mbyllur njëra plagë,hapet tjetra .
Kjo e fundit mund t’i kushton Ulqinit shumë keq . Më kot nuk e ka emrin “ari i zi “.Kjo plagë mund ta bjen Ulqinin në grykën e varrit .
Si një i ri i dashurauar rëndë ,dhe me ata vuajtjet e dashurisë lëngon nga leukemija dhe vdes ende pa e shijuar një dashuri tjetër ashtu edhe Ulqini ende pa e provuar dashurinë e vërtetë të qytetarit të vet ,dalë nga dalë mund të vdes. Sepse të gjithë e dojmë ,por nga kafenetë , llafet ,nga kolltuku ,nga larg . Dhe ç’farë bënë një Ulqinak për Ulqinin ?
Hiç fare !
Asgjë !
Bile në një protestë nuk i dilet .Një peticion nga dhoma e ngrohtë nuk nënshkruan.
Një shperndarje, (share) i vjen turp ta shperndanë se mund ta kritikon dikush që kalon shumë kohë në Facebook. Mos të flas për ndërgjegjen ,vetëdijen dhe format tjera të një borxhi që ka qytetari daj qytetit ku jeton !
Duhet të jemi idiotat më të mëdhenj në rruzullin toksor të besojmë që dikush gjithmonë na e ka fajin ,e kurrsesi na vet. E gjithë çka dëgjohet nga qytetarët është se nuk kemi ne gja në dorë dhe ata larte vendosin .
E kush na qenkan ata lartë ?
Lartë është vetëm Perendija dhe nuk ka fuqi tjetër .
Edhe vet Propheti Muhamed thotë ” Beso në Zotin ,por deven mbaje të lidhur me konop “.
Por disa protesta dhe tentime të disa qytetarëve me ndërgjegjen e lartë dhe vetëdijen ,tregojnë se sa janë ulqinakët të gatshëm ta mbrojnë vendin e vet .Momentin kur i madh dhe i vogël duhet të dalë në rrugë pa derdh gjak aspak dhe pa rrezik të jetës,shumica tyre bjen në gjumin ledhargjik .Ia grah me teorinë “nuk kam gja n’dore unë,dhe pike “.I bjen asaj pikë si me i ra pika vet Ulqinit .
Bile edhe një peticion në facebook nuk nenshkruhet sepse i duket humbje kohe Ulqinakut .Dhe pastaj del ,pi kafe dhe ankohet gjithë ditën e lume sepse dimni është i gjatë dhe ka kohë sa të duash .Një psiholog ma së miri e spjegon një rast kur po ndodhte një vrasje në rrugë.Të gjithë shikonin nga dritarja dhe mbyllnin perden ,derisa kalimtarët po shikonin at vrasje por secili mendonte që ai tjetri do te raporton policinë apo del në ndihmë dhe ashtu vrasja nuk u ndalë. Mbyllim perdet sepse ashtu jemi të qetë . Pra të gjithë presim që dikush tjetër duhe të vepron në emër tonin por vet nuk na merr mendja ta ndalojmë vrasjen .Ose nuk shpresojmë në ndaljen e vrasjes ose nuk dojmë të trazojmë mizat .Por paknaqësinë dhe ankesat nuk i ndalim. Një ditë do të kushton shumë shtrejtë Ulqinin .Një tërmet padrejtësije do ta zgjon keq nga gjumi !
Ps. Dhe tash t’ju kursej nga komentet që i keni për ne që jetojme jashtë .
– Lehtë e keni ju me folë prej larg. Çka bani ju për Ulqinin ?
E ti ore mik që jeton aty dhe ia ke borxh asaj bukuri që të rrethon të gjitha anët ? Çka bane ti për Ulqinin ? Ati dielli që ndriçon mbi qiellin tënd 300 ditë në vit mos ia kthe shpinën ! Nëse nuk ke vesh me ndegju,nëse nuk ke sy me pa dhe zemër me e dashtë at qytet ,atherë ulu afër detit ,degjo velët e tija ,dhe secila valë ta tregon një brengë dhe padrejtësi qē i behet ati vend .Zot ruaje Ulqinin nga valët e hidheruara ! E vjell “arin e zi ” dhe gjitha mllefet vetëm për një perplasje qerpiku ! Ulqini nuk është rob në shitje ,nuk është mallë që falet ,nuk është det i arit të zi . Ulqini ështe ari vet . Ulqini është Ulqin . Plagët ia sheroftë vet krypa e detit ,sepse si duket pak ka Ulqinak që ia sherojnë ato plagë të hapura një mbi një !