Ku je nisë ?
Ku shkon ?
Gërvishtje
Lendime
Të grithura për ditë
Qiellin tuj çoroditë !
Veri ,jug
Perendim e Lindje
Ndarje
Përqafime
Qerpik tuj lagë
N’grykë tuj u marrë!
N’fluturim
Kohë pa kthim
Ke dera
Ke pragu tuj u nda
Dhe prap fluturim n’hava!
Mirë ju gjetsha
Lamtumirë
Takime, ndarje
Prit e përcjell
Gërrvishtje në qiell
Pikat e lotit që bijnë
Disa shkojnë disa vijnë!
Toka mjaftë nuk na doli
Detin me anije kaplum
Fluturimet i zbulum
Veç për me u bashku e me u nda
Nganjëherë kurrë mas me u pa ma !
Ndodhë sa herë
Ndarja me qenë e mjerë
Në qiell mbetet vrazhdë
Në zemër mbetet plagë!
Qielli pastron plagët e veta
Na jemi hamall i plageve ,deri sa të jetë jeta!
Ku shkon ?
Ku ike ?
