Kanarina ma vodhi kangën
Dhe kanga në gojë më mbet
Qielli ma vodhi hanën
Dhe hanën nuk mujta me gjetë !
Kafazi ma vodhi drynin
Dhe drynin e hodhi në qiell
Zjarri e ngacmoi tymin
Dhe gacat vallzonin me diell!
Rudhat ma vodhën rininë
Dhe thinjat betejat filluan,
Kur ika dhe lashë shtëpinë
Dhe kujtimet e mija shpëtuan!
Lumi ma vodhi baltën
Dhe pa çajre ndërrova rrugën
Bleta ma vodhi mjaltën
Dhe ziliqarja ma morri edhe lugën !
Gjylbahçen ma vodhi era
Dhe ika në Perendim
Parajsën e mbushi me ferra
Dhe mua më la pelim !
Poemën ma vodhi pena
Dhe mua më la dorëthatë,
Andrra e dehur nga vena
Terroi ditën dhe ma bani natë !
Havrën ma vodhi shiu
Dhe më lagu deri në palcë
U nisa ka frynë veriu
Dhe havrën e shëndrrova në strajcë !
Unaza ma këputi gishtin
Por elmaz ma bani dorën
Prej guralecave ma shtroi fildishin
Prej kohës ma grabiti orën !
Të gjitha mi vodhën hajnat
Dhe më lanë t’më kaplon mërzija
Por hajneshë unë vet u bana
Dhe vodha guralecat e kullave të mija!
Painting :by Zohaib Ahmad
Painting :by Zohaib Ahmad
