Kur na vijnë ke dera
Ju thojmë
Ardh’shi t’bardhë si bora
Ashtu gjithmonë urojmë!
E sheh sa madhështore je
N’kry tand urojmë ,
n’kry tand bajmë be !
E ty moj borë që na erdhe mramë
Çka me t’thanë ?
Me ata fije
Perri të bardha
N’drita londoneze
Në gjithë pishat angleze
Që kanë ndriçu aq shumë në Londër
E ti ,sonte rrafshin e shëndrron në kodër!
Ç’mi hedh fjollat me ato naze
Më je e bukur moj si gur elmaze
Me yrysh e me shpejtësi
Të gjatë ymrin nuk e ke n’Angli
Të duket vehtja perri nga qielli
Por mos harro se ç’farë të bënë dielli.
Ule kokën moj mendjemadhe
Me at shpejtësi si nji sorkadhe
Mos u lazdro me at bukuri
Je e bukur dhe je bardhoshe
Por veç një ditë dhe ke me u shkri!
Të trathëton dielli me ty lufton
Mos mendo se nuk të mashtron
Shpejtë të shkrinë moj lozonjare
Për bukurinë tande s’i jep pes pare!
Hidhu e vallzo sonte mbi qiell
Hanën e ke mike ,por jo edhe at diell!
Me dritë t’hanës ti shkëlqen
Deri sa ngrohtësija të rrëmben !
E sheh?
Ngrohtësija të shkrin
Por jo edhe njeri’n !
Gjithë princeshat dhe mbretërija
Gjithë Skotlanda dhe Anglija
Habiten shumë nga bukurija që ke
Të gjithë gëzohen por jo sa fëmija
I duket n’bardhësi përsëri ka le!
E ti ?
E ti moj lozonjare
Më kthen në Sarajevë
Dikur për ty nuk kam jap pes pare!
Kurse sonte më dukesh perri
Je e rallë kur na vjen n’Angli!
Për borë t’Kosovës na përmallove
Por mos mendo që je borë Rugove!
Se shumë mirë edhe ti e din
As në Kollashin nuk je tuj vallzu
As në malin Jahorinë
Atje janë toka të egra
Bukurija yte atje qëndron gjatë shumë
E ti që hidhesh këtu në toka të buta
Nuk di t’luftosh as me diell as me lum!
Ngutu pra
Hidhu mbi Temzën sonte!
Se deri nesër nuk dihet
Tokat e buta të hajnë për s’gjalli
Pak nga lodhja pak nga malli!
Por të hajnë hiç pa e vërejtë !
Me butësi e marifet,
Jo egër si ajo tokë e jona
E sheh pra cila tokë asht ma e shenjtë?
Hidhi ato fluskat që bukur vallzojnë
Lere sot Londrën lere ta zbardhojnë
Veç t’i shkrepim disa kujtime
Disa foto bardhoshja ime!
Hidhu e bjer mbi Temzën
Nipit tim gëzoja zemrën!
E gjithë nipave tjerë
Mos len zemër të mjerë!
