– Cilën stinë e dan moj nanloke?
Dimnin apo verën ?
– Nuk kam stinë unë moj bi
– Verë e pranverë e kam kur m’vijnë zegjtë e mi,
I madhi prej Zvicres m’vjen n’prill ,
Ma bjen nurin,të parin dill,
Ma vonë vjen aj i Gjermanisë ,
Vjen ka Maji n’fund t’mujit me familjen
M’bjen hajdije ,se e kam edhe ditëlindjen!
Rrin aj ,rrin deri n’fund qershorit
Zemra e nanës s’me hiqet krahnorit.
Aja e vogla n’Angli asht ma e pa pritushme,
Vjen t’ja l’mon nana ata faqe t’limushme!
Tanë njisej i du ,par n’te kam shpresë
S’le zemra e nanës vet,nji flok me m’ra prej kres!
Veç kur m’vjen ai që asht n’Amerikë
Nuk di gja ,zemra don me u n’al e veç që nuk m’bjen t’fiktë !
E ka nana djal Shkadran ,
Si at nana ,djal ma s’ban !
At familje njiherë që ma ka
Djal si at nuk len nana ma!
Veç aj i Australisë ,m’vjen shumë rrallë
Ma k’put shpirtin ,me mush me mall .
E kur ikin tanë, Lokja nuk njef ma stina,
Nisin m’dhamin rreshnat ,nisë e m’kapet shpina !
M’kap reuma ,e m’kap migrena
Marrë ata hapat që m’i nep Dr Prena!
S’hiqen dhimat e s’hiqet merzija
Ku ka lezet pa zegjt e mi sh’pija !
Na i rriti bota moj t’pastë nana
Tanë kta varza e tanë kta Asllana!
E na….. prit e përcjell ke dera!
E disa dy’r janë m’ush edhe me ferra!
Nuk ka ma kush i krasit
Se shumica I ka përcjell tanë fmitë!
Deri kur?
Ja , ja
stinë për mu moj bi asht veç kur m’cicrrojnë zegjtë e mi…..
stinë unë ma nuk kam deri sa t’i shaf ke dera e nisi mindilin me fshi !
Qaj kur vijnë prej gzimit
E qaj ke dera kur ikin e m’shkojnë ,
Sytë janë strehim për lotin
Mos me m’plas zemra ata lot me mbrojnë!
Eh stinat e mija kush I numren ma moj loke
Mall, mall kam për bijtë e bijat e k’saj toke!
Kanë ik e nuk kthehen ma!
Sa herë që I përcjelli,nuk di a kanë me m’pa ma !