A me dalë a mos me dalë
Po mendohet me gjithë mend dielli
Dukem si shkuma për mbi valë
Por jam re nga i kaltërti qielli.
I mshehur jam si durimi juaj
Kur rrini me shpresa për pak lumturi
Herë në vendlindjen herë në vend të huaj
Lindje, Perendim Jug dhe veri
A t’ju ndris apo t’ju la në terr
Botën sot unë vendos
Të sjell gëzime apo tmerr
Unë dhe Zoti gjithmonë vulos!
Kur m’më shihni le ta dini mirë
Gjithë botën kurrë nuk mund ta ndriçoj
Shkoj shetris fare shlirë
Endacak jam dhe ku të dua shkoj!
Kush më do e kush s’më do
S’lodhem fare për at punë
Jam si Zoti dhe më beko
Jam mendjemadh që ju bej fatlum !
Nuk ka njeri që ndriçon dyrnjanë
Nuk ka njeri që i ka gjithë t’mirat
Herë sevap e herë gjynahe ban
Herë e kaplojnë djallëzirat e herë zanëmirat .