Me ditë dielli që e du kaq shumë
Nuk i ndalë rrezet mbi det dhe lum
Me ditë dielli ç’farë bukurije ka
Nuk ndalet kurrë me ndriçu n’dyrnja!
Me ditë dielli sa shumë i lutem
Në rrezet e tija dua të futem
Me ditë dielli sa shumë jep jetë
Ma kishte gjet rrugën në Londër mos me tret!
Mjegullën dhe retë i kishte përzanë
Me e ditë dielli sa e kam xhan
Londrën e zymtë që shpesh më mërzitë
Jo veç ditën ,por edhe natën kishte ndritë .
Me ditë dielli sa i ka hije Ulqinit
Sa i jep ndriçimin dhe ngjyrën e florinit
Me ditë dielli që pa te nuk ka jet
I hedh gjitha rrezet mbi të kaltërtin det
Me ditë dielli sa shumë e zbukuron botën
Nuk len kurrë me u ndez gacat mbi votrën
Me ditë dielli që unë vdes nga maraku për te
Veç me ia pa rrezet që ndrisin mbi dhe.
Ah me ditë dielli….Nuk kishte ike kurrë
E hane e marte edhe e merkurë
Gjithë javën e lume kishte shëndrit
Sa shumë e dua veç ta kishte ditë….
Ah veç ta kishte ditë…..
Kalofshi nji ditë të bukur
Ju baftë mirë Iftari të gjithëve kudo që jeni
Photo Thistle Grove