E pse mos të mbajë në zemërBy vildanadibrazhubi / October 12, 2017 E pse mos ta vjedh pak diell nga Ulqini, Disa lule shege dhe gjethe blini?! E pse mos t’i huazoj ca valë deti, Nga Ulqini im i bukur si mbreti ?! Eh ….e pse pra mos ta marrë në shuplakë pak ranë , Ta preki me dorë sa herë zemra më qanë ?! E pse se marrë një shegë dhe një peshk ta grabis me grep, T’ma ketë lakminë edhe vet secili mbret ?! E pse një rrënjë ullini në zemër mos ta mbjell , Sa herë nga toka huaj më vjen me vjellë ?! Ta mbajë at degë në zemrën time, Ta shoh bota që nuk jam jetime , E pse botës mos t’i tregoj për ullinin plak , Që veç Ulqinin e gjeti për t’vetin konak ! Nuk donte ullini asnji tokë tjetër, Por veç Bashbylykun dhe Limanin e vjetër. N’ Valdanosin mahnitës gjumi e zuni, Në mes të detit dhe shkembinj guri ! E pse nji degë fiku mos ta marrë në Londër, Ta mbjelli diku larg në nji rrugë apo kodër?! E pse mos ta mshehi në xhep nji mollë japane, Sa herë t’më bie malli për nji aromë nane?! Ah ah edhe pak shije japraku, Për gjellë t’Ulqinit kur më bie maraku ! E pse nji shkëmb të Kalasë mos ta marrë mbi shpinë, Ti tregoj sa i vjetër ashtë qyteti im?! Nji gurë nga Gjeranat pse mos ta fus në zemër, Ta mbajë gjithmonë si të shenjtin emër?! Ku ta gjejë edhe pak krypë si bora nga Solana, Që shkëlqente si dielli ,ylli dhe hana! E pse Ulqinit t’i them lamtumirë , Ta vjedhi komplet a nuk ashtë më mirë?! E pse mos ta marrë me vehte kudo që shkoj, E kam në ëndërr der’ sa t’jetoj ?! E pse mos të bëhem hajneshë e andrrave të mija, Sa herë t’më kujtohet e imja shtëpia ?! Ta kthej shpinën e kam vështirë, Të marrë me vehte në Londër e kam më mirë Eh …e pse pra Ulqinit tim t’i them lamtumirë , Ta vjedhi komplet sa kam dëshirë! Ta msheh si thesar gjithmonë në zemër, Të mburrem me krenari për jetë me këtë emën ! E pse të mbetesh i bukur veç n’letër ? N’pëlhurë t’piktorit dhe askund tjetër ? Të vjedh nga poema dhe piktura e kam vështirë , Të mbaj në zemër a se kam ma mirë?