Je shqiptar ?
Po !
Je Kosovar?
Po ?
E unë nga Ulqini a jam shqiptare?
Të gjej kombësinë time se nuk kam çajre!
E din kush pse u ban kta ndarje?
Copat tona në çdo anë ,
Baballar shumë ,por vetëm nji nanë !
Herë n’Berlin e herë në Londër ,
Turk e Sërb tuj na mbajtë si lodër,
Hiç pa na dashtë e hiç pa na respektu
As at në Shqipni, n’Kosovë e as mu!
Qerpik mes synit të gjithë na kanë
Evropa ,Amerika kinse mëshirë na dhanë!
N’dreq t’mallkum si njana dhe tjetra
Tuj na mbajtë gjithë jetën si do lecka t’vjetra!
Deri sa të nisim na vehten me e dashtë
Kanë me na mbajtë si qenin me asht.
Pse na presim nga dikush tjetër
Kur vetvehten e kemi anmikun ma t’vjetër !
Je shqiptar?
Po!
Je Kosovar?
Po !
E ulqinak ti çka je ?
Jetim n’mes malit e detit me din e fe !?
Ti gjithmonë krytin e ke ulë
Da dromca t’bukës ti kanë qitë si pulë !
Besim e dashni sa shumë ke dhanë
Se ti i shkret nuk ke as babê as nanë !
Perendija ty ka me të mbrojtë
Sa herë që t’vërsulen dhe t’i ngulin thojtë !
Gjithmonë e kam ditë se je ikonë e Perendisë
Prandaj aq bukur ai të ka qendisë !
Legjendat e veta Zoti i run si sytë
Mes valëve si kulshedra hallet ia zhytë !
Detin e diellin n’Kala ta fali Perendija
Ata që nuk të dojnë i vraftë lakmija!
E ti që të gjitha i durove me aq marifet
Ai lart të mbron e kurrë pa te nuk ke me mbet!
Jeni shqiptar ?
Po, po të gjithë jemi,edhe unë jam ,
Me gjithë dashninë edhe për gjithë kombet tjera që i kam !
Urrejtja asht famëkeqe!
E shqiptari për veç vetvehtes nuk din me urrejtë askend,
Nuk e ka traditë i imi ma i bukuri vend!
Urrejtjet vendlindja ime aq shumë i urrenë ,
Sepse ka komb ,ka kryqin ka din dhe fenë!
Nga Mali Zi jam por malazeze nuk jam,
Dashninë e duhun kurrë s’ma kanë dhanë
Dhe flamurin, flamurin cilin e kam?
Kosovës apo të Shqipërisë?
Ku janë ata burra që flasin në emnin e trimnisë ?
Prej ditës që flamurin ta ndrron dikush
Dije shumë mirë se të ka ngreh për gushë !
Simboli ma i shenjtë që ka kombi jonë
Nuk ka yje t’verdha por ka t’kuqen shqiponjë !
Photo: