Anglezt thojnë “never bite the hand that feeds you “
“Ulqinak….Kurrë mos e kafsho dorën që të ushqen.”
Ejani, leni fjalët e kota
Le ta din gjithë bota ,se unë jam ma i pari
Me vite me bukuri , diell që shkëlqen si ari.
Le ta dijnë të gjithë ,sa jam unikat
Jam ndriçim i hapur, jam i vogli dukat.
Le ta din bota ,që ju pres me gzim
Si te vjen Maji ,ju pres me pa durim.
Por edhe gjithë vitin ,ju o musafir
Jeni të mirëseardhur , se ku ka më mirë ?
Shetritni gjithë botën ,bota është e madhe
Por prap ke unë vini si e bukura sorkadhe .
Monaco Nicë e Kan ,kurrë nuk ma kalojnë
Edhe pse kanë famë ,mbi mua nuk mbretërojnë.
Jam si mbret dhe pashë me madhëri si Zot
Kam mjekërr jam plak,me syrin që qanë me lot
Kam të kaluarën e gjatë ,plot me mallëngjim
Kam detarin në det ,lundrojmë pa pushim .
Kam peshk kam vaj , ullinj me krypë t’Ulqinit
Ju pres o shqipëtar dhe gjithë bijtë e mërgimit
Mos ja veni veshin pazareve ,dhe fjalëve të kota
Jam gjithmonë I juaji ,jam e juaja votra.
Ju pres krahëhapur ,edhe ju të tjerë
E urrej vetminë ,mos më leni të mjerë,
Nuk dua t’më thojnë ,zavalli Ulqini
Kam zemrën e madhe ,shkelqej si florini.
E kam zemrën e madhe ,e kam për musafir
Jam me traditë të gjatë ,i miri nikoqir
Eh more bi e bija ,me ditë sa duroj
Sa shumë lot derdhi ,sa shumë unë lotoj
Po lere lere…. nejse tash
Padrejtësisht sa herë ,me shekuj më dëmtojnë
Por kurrë nuk përkulem ,kurrë nuk më rrëzojnë
Ejani ejani të gjithë, ejani mirë se vini
Është fole e juaj këtë shumë mirë ta dini!
Ejani, mirë se vini ,hiquni fjalëve të kota
Ky është konak i juaj ,le ta din gjithë bota
Jam lodhë edhe unë me gjithë këto fjalë boshe
Njeri pa tjetrin nuk mundemi, se jemi të një moshe.
Prej fëmijërisë tande ti n’Ulqin ke ardhë
Ejani perseri, eja ardhsh i bardhë
Si fëllanza e maleve ,nga malet fluturim
Ju pres si gjithmonë ,ju pres me gëzim.
Kur nuk dijshe për Spanjën ,ku shkojshe o bir?
Rruga për ty e gjatë ishte deri në Izmir ?
Ke greku mor bir mund të jetë më bukur
Por prap ke unë kthehesh fluturim si flutur..
Shqipëria ishte ,por kishte kufi
Nuk kalonte shtegun asnjë zog i zi
E ju veç Ulqinit nuk kishit askend tjetër
Eni more miq ,se jeni miqte e jonë ma t’vjetër.
Si gugash, fëllënzë dhe si dallandyshe
Më ke si fole se nuk bënë ndryshe.
Gjeraçinë , pëllumb edhe albatros
Fluturo krahëhapur drejtë në Valdanos!
Ejani,ejani leni fjalët e kota…..