Sa dashni
Sa gjallni
Çdo vlerë në jetë
Qysh ditën e parë në gji,
Nji hiç pa ju asht bota
Pa zanin e juaj e shprazët asht gota !
Gushpëllumb Dallandyshe
Pa ju bota kishte qenë ndryshe
Syçkat e zemrat e dlira
Pa u m’bush sherr e s’mira
N’prehën lum kush ju ka
Dritë e shpirt n’dyrnja!
Ferishte për disa
Engjuj n’kafaz pa za
Kuptim magjik në jetë
Ngrohtësi që zemrave ju jep !
Pre ditës që lind nji femi
Bota mbështillet me mrekulli !
Bota që u prish kaq shumë
Na m’an gjallë more pëllumb,
Veç për hatrin tand
More sy filxhan!
Gurgullimë e lumit n’mëngjez
Kërngallë mbi barin me vesë.
Shpirt e gjallni
Shërbet dhe ambëlsi !
Bosh pa zhurmë asht shtëpija
Ju jeni gjallnija!
Bota për ju ende asht gjallë!