Kafet e mia

 

Nji lum filxhana kafe kam pi
E rrjedha lumit ka ec ,pa ba zhurmë
Pa ndrru drejtim
Me shtratin e vet pa kthim!

Nji thes krypë kam hangër
Krypë deti
E kam ngarku mbi shpatulla
Në tokë ku jetonte mbreti
Krypa tuj u ba melem për plagë
Tuj shëru andrrat në gjum
Kur dhimbjet i kam gjujtë në lum !

Miliona dromca buke kam m’ledh
Da dromca n’Ulqin, e da n’Sarajevë
Pak edhe n’Prishtinë
N’Londër buzë Temzës kam bredh!

Pikat e ujit miliarda t’pa numrume
Disa kanë m’et lot i synit
E disa janë derdh e janë ba valë shkum’e !

E unë…..
Kurr nuk i kam lanë pa i pi kafet e mia
Nji lum kafe t’kullume
Ashtu …si vet jeta
Herë të qeta ,herë t’trazume !
Kafet me llafe t’ujdisuna
Me andrra n’mes t’grisuna
Pa trazu njeri
Tuj I pi tanë marak me dashni !

Janë kafet e mia me shkumë
Që kurrë si kam djeg e ba shkrum !

Janë kafet me shijen time !

Photo: Cremorne Park by river Thames