Reçel trendafili
Reçel fiku
Gliko shalqini
Nji fllad dhe pak çaj blini,
Me hyni në derë nji Shqipni e bashkume
Dikur e lanun ,diku larg e harrume!
Da fiq Kranje ,
Trendafil Shkodre ,
Shalqin Kosove ,
Mos thoni Shqipni, se ti na harrove
Kavanozat çelsin aty e kanë
Bijat dhe bijtë të bashkohen me nanë !
Amël e reçel
Kafe me sheqer
Det e valë
Reçeli në Përmet
Buka ka lezet,
Gotë Skenderbeg dhe sytë ke Berati
Lumi rrjedh aty ku asht shtrati
Jare Gjakovare dhe valle Tropoje
Na I fali Zoti ma të bukurat Troje !
Pa fund sharm Korçe,
T’qendisuna bohçe
Gjuhë bilbili
Dashni goce fjalë bandilli
Shumë fllad Rugove
Mos thuaj Shqipni se ti marove!
Kadare nga Gjirokastra
Bukuri Mallakstra
Pak bukë Shkupi dhe Presheva
Antikë , e rranjë të m’jelluna thellë
Valbonë , Erzen ,Rozafa kështjellë ,
Bujrum në sofër me pak reçel
Të amla I kemi trojet si trendafilin që kemi m’jell !
Reçel trendafili
Reçel fiku
Gliko shalqini ……
Fllad nga Ulqini !
E ku ka ma mirë ?
Askund!
Në at Lumbardhë
Nusja me zambak të bardhë
Masllahat e Kuvend
Me Vilajet n’Prizren !
E pra….e ku ka ma mirë?