Çka asht fotografija
A asht nji mal me borë kujtimesh
A asht nji agim bardhosh zgjimesh?
A asht ajo që nuk kthehet ditën tjetër
A asht kalitje e vrazhdë në letër?
Çka janë kujtimet?
A asht në fotografi jeta me shënimet
A asht e kaluara me vet përjetimet?
A t’i besojmë asaj kornizë në mur
Apo bukurisë t’jetës plot frikë dikur?
T’i besojmë ati çasti që u shkrep fotografija
Apo kujtimit kur n’ Çabrat shkrepte rinija ?
A mbetet fotografija gjithmonë e gjallë
Apo zemra e mbushun nostalgji dhe mall?
Dhe kush asht fajtor për at nostalgji
A asht fotografija që e ruajmë në gji?
Apo asht kujtimi që nuk fshihet kurrë
Dhe mbetet i shkrepun me kornizë në mur ?
Hë pra hë , më tregoni çka asht fotografija ?
Rinija e burgosun n’kornizë e palosun
A po dhimbje kësaj vajze kur e pa Gjakovën t’plagosun ?
A asht kujtimi I shkrepun në mur
Apo plagë e vashës që bani zemrën gur?
Hë pra Hë ….kur shkrep me pluma mbi at Çabratin
Apo asht kur shkrep nji foto që kthen përmas sahatin?
Më thoni pra….!