Ftoni
Hajde, hajde kajshi
K’puti da kokrra ftonj
Se pleqnija m’ka kap
Kivetin ku ta gjej….?
Veç edhe da kavanoza me reçel me i ba
Edhe njiherë f’mitë e mi ,me i pa!
Pa pa veç da kavanoza reçel
Eh sa me mu gjet njaty!
Ku i dihet….?
Nji kafshatë e ftonit
Aty afër kronit ,
Kronit të katundit t’harrum
Aty ,aty ku ngadalë po ikin
Dhe atje fmija n’Amerikë shkun!
As za rinije
As za pleqnije
Oxhaku me pritesë po qet at tym
Veç tak tuk ndonji sopatë
Që pren drunin e ftonit të thatë !
Kanë ik rinija kanë ik
Me gjetë idare e pak rrisk
Veç disa çakla dhe fotot e shpisë dhe…
Në xhep kanë shti nji brisk
Sa me e pre nji fele ftu !
Mejhash e tharpinë
Dhamtë t’i m’pinë !
Edhe për pak reçel vendlindje
Sa me hjek mërzinë !
E marrin verdhinën e ftonit me zbehje
Mallengjim i heshtun vjeshte !
Hajde, hajde kajshi
Kputi da kokrra ftenj …
Se vjeshta ka nisë për tokë me i shkapat
Eja mushe nji tas….edhe për mu da,
Se jam tuj ba pistil e da fiq du me i tha!
Pa pa veç da kavanoza reçel
E n’bunar me e gjujtë at çengel
Eh sa me mu gjet e me i ngi sytë !
Mejhashllyku dhimbjen e mbytë!
Ashtu thojnë…ata që zemrën e thejnë,
Rrugën kur marrin i kpusin da ftenj
Me kavanozat n’valixhe edhe pak erë t’ftonit
Për lamtumirë i k’pusin edhe da dega t’limonit!
Tanë, tanë t’mirat i kemi n‘kopshtin tonë ,
Veç da njerz ku me i gjetë…?
Drunin e ftonit e ka beku Zoti e prep ka me u përtri
Par reçelin kush ka me e ba kur katundi , shkret ka me m’et !
Eni , eni e kputni sa të jem gjallë
Se për pak reçel ftenjsh ,ka me ju ra mallë !