Çka ka Budva që mbrohet aq shumë o ju të uruar,
A është Ulqini jetim ,a është leckë e harruar ?
Pse gjithmonë nga gjiri juaj ,padrejtësisht e ndani,
A nuk është më i bukuri a më thoni,i imi vatani?
A nuk është i juaj ,edhe ky i bekuar qytet
Përse gjithmonë e ndani ,nga gjiri i vet,
A nuk mburreni edhe ju ,ashtu si mburrem unë
Me Valdanosin , Adën me Shas edhe me Bunë
As nuk e desht njerka ,as nuk e deshti nana
Por Ulqinin tim e mbrojnë ,vet rrezet dhe hana,
Dielli edhe deti ,pa u ndalë e ledhatojnë
Bukurinë e ti , hyjnitë nga lartë e adhurojnë.
Mund të plasni ,mund të mbaroni nga inati
Mund ta shkatrroni ,sepse duron i ngrati
Por Ulqin nuk ka tjetër ,ore pushtetar
Mos u mundoni me zorë ,shkëlqimin me ia marrë!
Sa dorën e gjatë e paska , ky dreq hyqymeti ,
Sidomos në gjum të thellë ,kur na bjen mileti,
A mendoni me Perendi ,që mund t’luftoni
Bukurinë e Ulqinit ,ku mund ta dërgoni?
A grabitet ,e robrohet ,me dhunë bukurija,
A shitet toka dhe pragu ,a shkelet shtëpija,
Disa zuzar që mundohen ,për pes pare ta shesin
Emër në histori ulqinake ,për t’keq do të mbesin !
Jo ore jo ,Ulqini është gur i shenjtë
Është ma i bukuri ,mos ia preni penjtë
Mos luni lojna ,me bukurinë e Perendisë
Sepse veç ai lartë ka ditë at bukuri me e qendisë !
Pikturë madhështore ,pikturë në mëndafsh,
E ka qendisë i Madhi ,ashtu si vet ka dashtë
Në kambrik me ngjyra florini , Ai e ka qendisë
Është ma e bukura antikë është thesar i Perendisë!
I qendisur në pëlhurë ,me ngjyra dukati
Me gjylpanën e hollë ,që i dridhet shtati
Me gjylpanën e dukatit ,e qendisi vet Zoti
Mes pambukut dhe hekurit,vet ai e mbrojti.
Fortesë e brishtë mëndafshi ,fortesë e kuqërremtë diellit,
Rreze hyjnore e ndritur ,mbi lartësitë e qiellit
Leni rahat o t’mjerë ,e mos e shkatrroni!
Bukurinë e ti ,ju veç mund ta ëndërroni!
Photo: kur musafirët e zbukurojnë edhe ma shumë qytetin