Na ishe nji herë e stolisun Kalimera
U zhduk nga deti ,si edhe të bukurat tjera
Ishte aq e rrallë ,si nusja nën duvak
Se kush e shkatrroi ,nuk dihet aspak !
Në mes të portës ,na ishte krenare
Nga bukurija e vet ,u skyqte plot marre
I hidhte ato inxhitë ,nga dritarja në det
Nuk e dinte që nji ditë ,ka me mbet e shkretë !
Dritat i përhidhte mbi portën me rrjeta
Ta merrte mendja ,veç aty shkëlqen jeta
Me hymjen madhështore mbi drrasat plot ndriçim
Aty e lashë Ulqini me ma të bukurin kujtim
Na përcolli neve ,gjeneratat e shkume
Sa shumë e kam dashtë sa kam qenë fatlume
Natën e maturës ,mes portës me e festu
At kreshnike të vrame ,kurrë mos me harru!
Gjeneratë e rrallë ,sa shumë je shpërnda
Dikush në Amerikë ,dikush në Kanadaa
Nga Londra juve në Ulqin ,që na keni mbet
Amanet ju lajmë kujtimet ,mos leni me na tret!
Photo: Nata maturës
Nata maturës në restoranin ma të bukur që ka pasë Mali I Zi dhe gjithë ish Jugosllavija