👩Kam ra n’dashni!
🧕🏻Si moj, ku ke ra
A u rr’xove, a je vra?
👩Ja moj ja
Jam dashnu !
🧕🏻Aman aman si moj
Ku n’dreq ke shku?
👩Uf edhe ti
Si nuk e kupten
N’dashni kam ra
Zemra më loten!
🧕🏻Pa pse moj
Asht shumë punë e lehtë
Mos bjer në dashni
Të rri zemra e qetë!
👩Ja moj ja
E si jetohet pa dashni
Ti qenke trashamane
Ç’farë më din ti !?
🧕🏻Si moj
Çka flet
Auuuu ku e din ti moj
Na kanë martu pa dashni aspak
Unë kam qenë e re e burrin e kam pasë plak
Disa naze të rralla kanjiherë dajak.
Ama kurrë s’kam ra në shkallë nga dashnija
Kam ec rrugës drejtë
Herë me punë t’halkut e herë me puntë e mija
Hiç pa asnji lule
Kurrë pa më ble nji hajdije të ngratë
Jam çu n’pikë t’sabahit
Kam ra me misnatë !
👩Dhe asaj ti I thu dashni
Jo moj kjo asht marrëzi !
🧕🏻Aman moj pse!
Pes femi si kokrra mollës
Pse moj kush I paska ba
Kurrë n’dashni s’kemi ra
E kurrë nuk jemi nda!
Si partagala me pes f’mi
Tanë jeten tuj u dashtë
E kurrë pa ra n’dashni
Ai mu tuj m’thane teveqele
E unë ati shurdhan
Pleqninë s’ka ma bukur
E ma bukur se kaq nuk ban!
Ubbbbuuubu ju me at dashni
Pa ku dini ju se çka asht dashnija?
Rrxoju e bjer ma keq se rr’xohet f’mija!
Haber nuk keni ju,kja rinija sotit
Burrni e burrnesha kanë qenë dikur motit !
Herë ka duru gruja e herë ka duru burri
Zemrat e forta i kanë pasë ,
ma të forte se guri !
Tesh si pamuk e svila
Tanë m’jeni ba
Herë bini n’dashni
E herë dashni s’ka ma !
Allah allah, e ju m’dini çka na qenka jeta!
Për me rritë familjen sa kemi duru na t’shkreta!
Dashni…..?
Dashni kemi pasë na
Pa telefona e pa interneta
Kemi hjek t’zit e ullinit
E hallet ia kemi kallxu veç gurit mullinit!
Isht ditë se kush vesh braga në shpi
Per me majtë tanë jetën dashni !
As kemi fry buzë as kemi ly sy
Par burrat na kanë dashtë
Njashtu si na ka fale njaja Pereni!
Me Pereni nuk kemi lujtë
Me rritë gjinj e me rritë buztë !
Njashtu, njashtu si na ka falë Perenija
Burrat na kanë dashtë !
Për me u ba ma të bukura
Nuk kemi ça rrashtë
Rahat prej Zotit kemi qenë, rahat!
E ja si ju…..
Kam ra n’dashni
E haber çka isht dashnija s’keni !
Ec allahile , ec pashë nj’at Zat
Dashni ka qenë dikur kur ishte afatgjatë
Demek se ju pa m’dini gja!!!
Walid Yasin painting