Mic atje moj çka lyp ti
Kta ulqinaket vend nuk më lanë
Jam ba azil me lypë n’Angli
Macat I dojnë ashtu m’kanë thanë!
Ik the qafën more dac i keq
Gjithë më thojnë sa shkoj n’oborr
Thua se panë të ziun dreq
Kush nji herë nuk m’prek me dorë!
Daci me micën po ankohen,
Azil po lypin në Perendim,
Kah po sillen veç dënohen,
Duan të ikim nga i bukuri Ulqin!
Por çka bajmë ne kur shkojmë n’ Angli
Erën e peshkut ku ta marrim
Ku e gjejmë na gjithë këtë liri ,
Ditën ndër hije netën dalim !
Jo more jo nuk lajmë këtë vend
Vendosi mica mos me lanë Ulqinin
Masllahatin e azilit e qitën n ‘kuvend,
Ku ndrrohet bakri me arin dhe florinin!
Ulqinakun në mbledhje mica e thirë
Veç pak peshk dhe ujë n’teneqe
Si n ‘Ulqin ku ka ma mirë
Mos m’përzen se s’jam e keqe !
Mic atje e çyp more qen,
Na përzajnë gjithkah kah shkojmë
Por na s’ikim nga ma i bukuri vend
Qeni me macën po kuvendojnë !
Maje t’ullirit u kurulldis
Mica ulqinake zi e bardhë
Me lanë Ulqinin nuk levërdis
Vdeksha unë e lumja që këtu kam ardhë.
Se ndroj Ulqinin me asnji tjetër
Jabanxhi nuk shkoj as refugjatë
T’jetosh këtu n’qytetin më t’vjetër
Është marifet por edhe nafak!
