Nanë
Nëse në thinjat e saja sheh durimet
E n’sytë e saj janë kaltërsitë e oqeanit
Mos e trazo
Mos e pyet
Mos e idhno
Ajo ka ec me diellin dhe perendimet
U zgju natje me këndimet dhe lutjet e Kuranit !
Nëse n’ballin e saj shef botën qyqare
E n’gërshetat e saja humb pa nishan
Mos u çudit
Mos qaj
Mos u idhno
Ajo ka mbajtë barrën e gjithë botës ziliqare
Prej ditës kur fërtonat I kanë ra si shkamb !
Nëse ngrohtësija të shkrin dhe zemrën ta fal
Nëse gjithë akullin e shkrim ,e ka ba det
Mos u mërzit
Mos ik
Mos ke frikë
Ajo kurrë nuk ik prej valëve ,ajo ec pa u ndalë
Ajo gjithë betejat e saja i ka luftu vet !
Nëse nji ditë nuk e shef ma
Nëse mbi qiell shkrep si vetimë
Mos merr çadër
Mos u habit
Mos derdh lot
Ajo asht melhem në këtë dyrnja
Me lutjet e saja zgjohemi dhe me to në gjum bijmë !
