Ndalu o shi sa me mllef po bjen
Mos shpërthe aq ashpër mbi Temzën që tërbohet ,
Gjumin ma merr me hov kur vjen
Zemra dhe truni nga ky mllef trazohet!
Aq randë po i gjunë pikat , dhe gjumin po ma merr
Thuaj se gjithë botës luftë i ke shpallë
Gjithë retë e grumbulluara po përplasen mbi terr
As të luftoj nuk mundem ,as mundem me t’ndalë !
Po sikur të lutem pak hovin me e ndalë ,
Më trembin mendimet në terrin me shi,
Shpyrthyen gjithë mllefet sikur Ulqini kur ka valë
Dhe hidhëron lumin e Temzës që e kam karshi.
Ndalu i bekuar mos u hidhëro aq shumë
Më le të flej e qetë,veç nji copë natë
Ma turbullove Temzën ,ma të bukurin lum
Dhe mua më trazove ,sikur me inat !
Shiun nuk e du ,as terrin as natën
Asgja e bukur,nuk sillet në kokë
Më duket që në zemër ma gjuan shpatën
Me rrahjet e pikave, sikur me gjuan për tokë!