Për Kujtim Paçakun nuk kam ndëgjuar kurrë më parë.
Ditën që dha jetë disa veta në Facebook postuan disa poezi të tijat që më pëlqyen shumë dhe u preka. Ishin ashtu fare nga jeta dhe zemra . Ishin vetë dekadat e jetës një kombi të përbuzur, përqeshur , përlotur që përballon çdo nënçmim dhe secilën formë të jetës. Ditën e varrimit të ndjerit nuk kishte shkuar asnjë deputet apo (i pa) fytyrë politike . (Ashu e kuptova, mund të jem gabim )
U ktheva shumë vite pas kur kemi ardhë në Londër. Pata punu një muaj në një fabrikë kasetash. Kur hyna së pari u pata habitë dhe fërkova sytë se mos thashë jam në Afrikë. Për veç menaxherit , meje dhe nja 5-6 tjerë , të bardhë tjetër nuk shihej aty. E para herë në jetën time që mu kujtua që edhe ne kemi pasë një popull me një nijansë pak më të mbyllët prej meje. O Zot thashë ne paskëm pasë Begler dhe Pashallar në qytetet tona krahasim se ç’farë paska këtu .Ah thashë romët e mi sa më paska ra malli edhe për ju .
Me muaj dhe vite që jetova këtu kuptova realitetin . Realitetin e hithur tonë. Që mendonim që të gjithë nuk janë njerëz. Jemi na ,dhe ata. Ata që kurrë nuk guxonin me thanë- edhe na jemi njerëz si ju !-
Vij në një shtet të mbretërisë , me qindra vjet dhe kulturë dhe kuptoj që edhe ai i Bangladeshit, edhe ai i Somalisë, Avganistanit, edhe unë e Ulqinit pa dallim feje apo ngjyre ky shtet na pranon të gjithëve njësoj. Na punëson në baza të aftësive dhe jo ngjyrës ! Mayor i Londrës është Sadiq Khan!
Çdo ofendim si ai i anglezit ndaj të huajit apo i dikuj tjetër në baza raciste dënohet rreptësisht !
Ndërsa një deputeti të nderuar Rom nuk ia merr mendja asnjë ( i pa ) fytyrë politike t’i shkoj kolegut bashkëqytetarit në vorrim!
Ky nuk është ofendim në baza raciste ! Ky për mendim timin është vajtim për një klasë të tërë që po e udhëheq at shtet. Ata ofenduan vehten e jo të ndjerin !
Ai pushon sot në paqë i shliruar nga çdo paftyrësi, mëkat , turp që e ka kapluar at tokë ku respekti ndaj njeriut nivelizohet !
Dhe pastaj ne çohemi e thojmë- anglezët racist, gjermanët racist, amerikanët racist , nuk na dojnë. Janë fallco, shtiren. Ah çka janë kta! Pse ne duhet me na dashtë kta më shumë se ne që dojmë disa që nuk na e merr mendja që janë nivel i yni!
Po tepër mirë na dojnë kta more kur na as vehten nuk dijmë me dashtë.
Se kuptoj nga një herë se ku e kemi at superioritet, kah na erdhi? Në bazë të ç’kafit i bëjmë ato klasifikime ndaj njerëzve veç t’kisha me ditë? Po fundi fundit a durohet more edhe gjithkushi me i ba ata nënçmime në atë shtet ku as nuk i ofrohet këti shteti këtu ku jetoj ,që sot, hiç ma larg një Princ i një mbretërije me tradita qindra vjeçare martohet me një gjysmë zezake !
E ata, ata as në vorrim nuk i shkojnë kolegut vet ! Ku e merrni gjithë at guxim t’mendoni që jeni më të mirë se ai i ndjerë ?
Respekt për ty poet dhe pusho i qetë ! E di që ke lindur në tokën e gabuar dhe toka që të priti për ty është shpëtim . Aty do të jesh më i respektuar dhe ato poemat e tua tani mundesh t’ia qash dheut dhe tokës sepse të kupton më mirë. Me gurë në zemër askush nuk lind por ama kur vdesim nga një secili e marrim me vehte , sepse jeta peshon rëndë.
Ps
Moto i imi- askush nuk është më i mirë se unë dhe nuk duroj t’më shikoj me bisht syrit askush se as nuk e përfilli fare bile,por edhe askush nuk është më i keq dhe më i ulët se unë dhe kurrë nuk duhem të marrë guxim me shiku dikend nën vehten veç se ka ngjyrë dhe fe tjetër ! Ehhhe sa faqeziu del në mes të faqebardhve kur ia zbulon fytyrën !