Pak zjarr
Pak ngrohtësi
Nji batanije
Dhe nji çaj të nxehtë me simit
Sikur gërmadhat të shëndroheshin në dashni
Sikur nana t’ma nxente dorën
E baba t’na rrokte shumë
Me unazën t’a vuloste kunorën!
Dhe çdo gja të kthehet si ka qenë
Dhe e gjithë kjo të Ishte rrenë !
Vetëm pak dhe sonte nuk lypi asgja ma !
Ata që numrojnë tespiq
T’më mbulojnë me suret e Kuranit!
Dhe me lutjet e Imamit !
Zemra mu ka ngri
Ku t’gjej pak ngrohtësi
Kam ftoftë
Kam shumë ftoftë!
Za ma nuk ndihet !
Shpresë ma nuk ndizet!
E unë rashë n’përqafim t’yjeve
N’merhamet t’ndriçimit hanës
Këtu afër mbi djepin e shruar t’nanës!
Toka , tashma ka ra në gjum!