Ra një shi , bllokon rrugët dhe përmbytet një pjesë në Ulqin!
Bjen një ditë borë në Londër apo Angli dhe i gjithë traffiku dhe qyteti bie në kaos!
Mos more mos i bani Ulqinit këtë reklamë të keqe bash para sezonit se nuk është mirë !
Nuk them që nuk duhet të kritokohet e keqja ama në vendet e duhura!
Fuqitë natyrore të Perendisë mund të shkatrron një shtet të tërë e le ma një sistem ujor të një qyteti të vogël!
Ulqini ka qenë dhe mbetet destinacioni më i dashur për të gjithë sidomos për diasporën.
Mësohuni me shiju erën e domateve, fikut, peshkut, vajit ullirit!
Mësohuni me u mahnitë perendimit të diellit që nuk ka kund në botë më bukur.Merrni erën e pishave me vehte kur të ktheheni!
Mësohuni me u knaq me zanin e bilbilit që e ngjallë edhe të vdekurin mëngjezeve të hershme në Gjerana ,Kodra, fshatra për reth dhe ullishtat e Ulqinit !
Mësohuni me shijen ekrypës ulqinake !
Mësohuni që Ulqini është i bukur gjithë vitin sidomos prej majit deri në tetor , e jo veç në gusht ku vërtetë pak ngarkohet shumë i shkreti dhe pastaj mbetet pak i ngratë muajin shtator dhe tetor atëherë kur është më i bukur se kurrë ! Dhe vërtetë më dhimbet i vogli im që gjithmonë ia bëjmë të padrejtë që aq shumë e ngarkojmë në gusht dhe e raskapitim derisa ka edhe 11 muaj tjerë !
Mësohuni me e zgjatë at sezonë ju që nuk i keni fëmijët në shkolla dhe atëherë e shihni parajsën e vërtetë të Ulqinit.
Mësohuni me hec gurëve të Kalasë ku secili gurë veç e veç ju tregon një histori shekullore dhe ju bind se Ulqinit është mbreti plak i gjithë trojeve shqipëtare .
Mësohuni me vizitu ullirin plak 1320 vjeçar që secila vrazhdë e tija tregon një dhimbje .
Mësohuni me dashtë Ulqinin me vlerat që ia ka falë Zoti e jo ata të mbeta dhe padrejtësi që ia kanë bërë me qëllim !
Mësohuni me dashtë natyrën e vërtetë e jo lukset Dubaiane që po ngulfatin shpirtin në botën moderne !
Mësohuni me kritiku ku duhet e jo me qitë zerin e keq pa nevojë!
Fundi fundit kush jam unë me ju bind kur ju shumica e doni Ulqinin aq sa edhe unë vet !
I dijmë, i dijmë të gjithë që ka mungesa sa të duash ama ata vijnë nga dora njeriut. Bota ka ngjyra nuk është gjithmonë bardhë e zi ! Mos harroni që Ulqini është nën kthetra! Çdo e keqe ndaj Ulqinit nuk është rastësi !
Mësohuni me dashtë bukuritë që vijnë nga Zoti se ato janë dhuratë që nuk e ka çdo kush ! Është bekim ajo bukuri dhe mos lejoni të mallkohet nga vet ne!
Pushime të këndëshme të gjithëve dhe më besoni, Ulqini është shumë më i bukur 11 muaj tjerë dhe më së pakti më pëlqen në gusht kur të gjithë e ngulfatin dhe ia zajnë frymën ! Ata që e dojnë Ulqinin e dojnë me gjithë të mirat dhe të metat e veta , shkojnë ka shkojnë Ulqinit i kthehen gjithmonë!