Qefull, barbun, pak njala dhe levrek,
Me ufull e da hudra , pak nerden e qep,
Në tavë t’dhenit ,n’skarë apo peshk t’fërgum
Peshkatarin e Ulqinit e xen gjumi n’Bunë.
E lut peshkun me ardhë,dikur me grep e nxen,
Disa mushkaja me dorë ,pa ndalë i përzen,
Grepin prej sabahit ,gati e ka pregaditë
Ala pa e xanë peshkun ,na thret për misditë.
Si dikur motit ,pak peshk kapama,
Si në Ulqinin tonë ,nuk din kush me e ba
Tanë mahallën e lume ,shtrihet dhe nihet era
Hapen dyrtë e shpijave ,çilet edhe penxherja!
Eni, na urdhnoni kemi peshk t’fërgum ,
Ka edhe kapama, sa e pregaditëm në Bunë ,
Da kubla me erza ,sa të mira i kemi zi
Urdhnoni merrni ,e mas t’ju vjen sekëlldi.
Me sallatë jeshile ,sa shumë ka lezet
Me ufull t’rrushit ,edhe të njoma qep,
Da kërtolla t’reja ,sa i ka qitë pranvera
Urdhnoni miq të shpisë,juve ju rritë ndera !
Durtë të lumshin ,ty o peshkatar
Da kubla t’Ulqinit ,n’Londër a ban me i marrë
E ty shnet t’u baftë ,moj zonja kanakut
Tesh kush na njin ,me ujë të ftoftë bardakut!
Da shojza da gjela , lignje dhe ceraga
Nuse mas prita ,na i ban edhe da mullaga
Koshi i peshkatarit ,gjithmonë me bereqet,
Me krypë Solanës t’harrume at thesar t’vertetë .
N’sofër ulqinake ,mas t’ju vjen marre
Pak bukë kallamoqe ,s’paguhet me pare
Bereqet e t’mira ,gjithmonë na sjell deti,
Kush jeten aty ,isht ma i pasun se mbreti !
Byjrym o miq eni , n’kanak na urdhnoni
Sofrën me peshk moj Hanko ,a pa na shtroni
Peshku i artë në det ,e fëlterja n’shporet
Oohojaa qe mrriti ,peshkatari me koshin plet!
Byjrym o musafir ,mirë se na keni ardhë
Gjithmonë për t’mira ,e ardhshit faqebardhë!
Mirë se ju gjetëm ,aty me traditën e vjetër
Mrekullija peshkimit asht muhabet tjetër .
