Si petat e pites ,njisej hallohen
Rende rende ,për marak shtrohen
Nji gjelit katundit ,jetën ia marrim
E zijme kadalë ,ia qajmë hallin.
Me kry të viçit ose me kurban
E mirë bahet ,sa ma mirë s’ban
Piqet kadalë si me u pjek n’dill
Hapni sytë kur të bleni at mi’ll.
Sa ma i bardhë mi’lli,e sa ma taze
Tuj shtru hakllaginë e tuj i ba naze
Me lang të mishit ,përvlohet kur piqet
Hapni sytë ,se mas t’ju digjet!
Mishin e zimun ,e shtroni permbi
Biber të zi ,para se e muloni me tepsi
As shumë lang nuk duhet,e as e terun
Me terezi ,mas me ju shku mundi bjerrun.
Për pasi t’vajzës,e për kimet
Peta ulqinake ,aq shumë ka lezet
Isht e mirë ,sa nuk shken ma
Për Begler e për Pasháá !
Ftyrën ta z’bardhë ,peta Ulqinit
E ku shtrohet sofra edhe pa da kokrra ullinit
Dhandri n’pasi kur vjen me miq
Pritet gjeli ose viçi ,n’ër Lamoj e Ficiq !
Byjrëm miq e ju pastë ba mirë
Keni marrë nusen ,vajzën ma t’mirë
Prej sallatave tërli, e deri n’hashaf
Gjellnat e Ulqinit si për Padishah!
Vajzën tonë të mirë ,amanet ju lajmë
Shikoni si duhet ,se peta me gjel ju bajmë,
Hani o miq e mi,e juve ju plaste barku
Se në fund të gostës vjen ,sarajlija sa çardaku!
Traditat tona ,sa janë të rralla
Vajza jonë si pllum,ju pret ke shkalla
Temena e yrz tanë javën e parë
Mas ja matni gabimet me gram e me kandar!
E mesenej…. pa pa ,temena mas gardhit!
Hani tesh petën, hani se pa ju ftofet!
E ftoftë peta nuk ka lezet !
Ardhshi t’bardhë e mirë se ju ka pru Zoti n’kanak tonë!