ShiuBy vildanadibrazhubi / May 1, 2017 Tak,tak ,tak, Si mëkatar lagë tokën, Sikur qanë mbi gjethet e lagura, Nuk me le të mbylli sytë , T’pushojë kockat e lodhura ! Tak,tak,tak, Nuk ndalesh sonte si një orë e prishur, Akrepat i hedh mbi xhamin dhe terrin e natës, I bie xhamit në dhomën time, Lagë ballkonin dhe fenerin e ndritur pa ndalë, Si musafir i paftuar, Gjumin ku ta marrë kur pa u ndal bie, Me takat e këpucëve mbi tjegullat e rrokaqiellit të kuq të World’s End,mes Chelsea dhe Temzës si gjarpër, As forcë nuk kam të dal të vallzojë me ritmin e pikave tua, Gjumin ku ta marr? Dëgjoj një zog t’i përcjellë tik taket tua ! Gjumi ik fare dhe ritmet e natës si fantazma shtohen, Edhe një zog tjetër,edhe një tik tak mbi llastrat e tullave të kuqe! Vallzojnë gjethet e lagura,zogu dhe shiu, Me ritmin e valles që bie dhe ngritet! Ku ta marr gjumin? Sikur t’i mbledhi ato pika shiu, T’i fus në qypin t’i ruaj si kujtimet e natës ! T’i fus në gotë dhe të dehem nga ritmi shiut! Herë tik tak shiu, Herë tik tak akrepat e orës! Sikur më ftojnë në vallen e natës të qetë, Me zogun,me shiun dhe gjethet e lagura! Tik,tak…..tik tak ! Herë pikat e shiut ,herë akrepat,herë kockat e lodhura,herë qetësija e natës pa gjumë! Një qyp i mbushur me kujtimet e natës , Një gotë me pikat e shiut, Edhe një tjetër! Sonte pa u ndalë , Hidhen ata pika mbi Temzën e baticave Më mbysin,më mbysin ato pika se u lodha nga notimi mbi baticat dhe zbaticat e jetës. …. Tik , tik shiu …. ….Tik tak ora….