Shtator
Perse vjen si muajt tjerë me emën burrnor
Ashtu si gushti
Marsi , prilli ose qershori
Maji xhentil
Tetori apo dhjetori ?
Por vera pranvera dhe vjeshta janë gra,
Dimni burrnor ,borëbardhi mbulon çdo gja !
Ti je ma i bukri që vjen me finesë
Avash avash na sjell pak fresk
Nisë ngjyrat e verës në piktura i shëndrron
Në tetor dashurohesh
Por gushtin e trathëton!
Je pak lozanjar
Mes verës dhe dimnit artist i marrë
Piktor, poet e çka nuk je
Për kokën tanda
Unë bej be!
Vjen si tinzak mes dritës dhe territ
Me marifet I ofrohesh të ftoftit dhe tmerrit !
Ikin vitet ikin e ti na lajmron
Që edhe tre muaj ky vit mbaron
Nji vit tjetër kush pret me fat n’bekim
Jeta asht si stinat herë akull herë përvlim!
E ti….?
Ah sa bukur e luan at rolin more mik
Ngadalë vjen në tetor dhe gushtit I ik
Ama kur vjen, vjen si pashallar
Me ngjyra të shtrume
Si qylym n’pazar.
Ngjyra ma tërli se ti nuk ka
Zot mi fal edhe nji palë sy se dua me të pa
Veç Zoti i madh që din me të qendis
Abazhur, goblen , pikturë të ka jeretis!