Gandhi me madhështinë e ti thotë “ sy për sy , gjithë botën e len të verbërt.
Ç’farë mëkate kemi ne që jemi të shpërndarë në gjithë botën ? Jo me vullnetin tonë , sigurisht !
Sa herë që ndodhë ndonjë tragjedi apo katastofë e natyrës sikur që janë tërmeti, zjarri, vërshimet , lufta e tjera , Facebook bombardohet me komente të lloj llojshme nga ato që shprehin simpati me sinqeritet deri në ata që fatkeqësisht reflektojnë mllefin dhe frustrimet më të thella.
Sikur po shëndrohemi në një frustrim kombëtar me gojë plot mallkime !
E kuptoj shumë shumë mirë urrejtjen dhe mllefin. Fundi fundit edhe unë jam viktimë e një rezhimi që më detyroi me lanë të gjitha dhe me nisë një jetë të re prej zerros. Nuk e kemi pasë lehtë aspak, të gjithë në një mynyrë kemi pêrjetuar një roman të jetës. Disa tjerë më me pak fat kanë humbur të dashurit e zemrës.
Të gjithë në një mynyrë kemi qenë viktima.
Këtë herë kemi qenë viktimë e rezhimit të një kombi ndaj një kombi tjetër e jo viktima të fuqive natyrore .Por kur flasim për katastrofat e natyrës aty është diçka tjetër. Aty ka punë Zoti !
Të gjithë i dijmë padrejtësitë populli grek që ia ka ba shqiptarit . Histori që nuk harrohet dhe nuk kthehet . Por të çohemi të gjithë e ta nemim një popull, një shtet me aq dëshirë që të digjet komplet , vërtetë është e frikshme .
Pra kjo i bjen që unë vet nuk e kam fuqinë me ç’faros një komb të tërin por i lutem Zotit, dhe sipas disave Zoti po na i ndëgjon lutjet.
E pyes vehten kur ne i përjetuam gjithë ato dënime , kush qenka lutur Zotit aq shumë që Zoti ia paska plotsuar dëshirën? E paskemi merituar edhe ne?
Sa do urrejtje me pasë për një komb tjetër kurrë nuk i dëshiroj një katastrofë të tillë .
Së pari nuk është njerzore.
E dyta Greqia ka një popullatë të madhe shqipëtare .
Dhe e fundit , nëse kemi aq dëshirë me u zhduk fara e një kombi , por ne nuk kemi fuqi ta zhdukim vet por i lutemi Zotit , atëherë ç’farë jemi ndryshe nga greku dhe sërbi ?
Pra po ofendojmë vehten që jemi popull frigacak dhe nuk na e ban b…. me tentu me zhduk grekun apo sërbin ! Por veç i lutemi Zotit për zjarre , tërmete dhe vërshime !
E kuptoni fare që sado kojshi të këqinj jemi dhe kemi urrejtje për njëri tjetrin ato zjarre tërmete dhe vërshime shumë lehtë mund të na vijnë në prag të derës ! Sepse jemi afër dhe çdo e keqe mund të përhapet deri në trojet tona.Bile shumë lehtë !
Nëse ne helmojmë fëmijët tonë me ato urrejtje dhe i mësojmë që Zoti i çon telashe atyre që kanë gjynahe,Zoti ndëgjon nëse mallkojmë dhe na e plotson deshirën , atëherë duhet edhe t’i japim spjegim femijeve tonë që ç’farë gjynahe kemi ne ndaj popujve tjerë që ne vet si komb kurrë nuk po gjejmë një rahati dhe stabilitet të merituar !
Aman mos nemni .mos mallkoni se unë kam frigë me nem po qoftë dikush edhe armiku më i madh i imi.
Nëse vërtetë po besoni që Zoti po i ndëgjon lutjet, dhe vërtetë besoni në te atëherë lutuni me “ O Zot, më bënë mua dhe kombin tim më të bukur, më të mençur, më paqësor se sërbin dhe grekun !Lerjani Zotit të gjithë dhe mos u përzini në punët e tija sepse ai e din vet !
Jo jo, më besoni , nuk i urrejë hiç më pak se ju ata që më urrejnë mua , por nuk kam dëshirë dhe kohë të merrem me ta.Te gjitha ia la zotit !
Kurrë një herë një popull i tërë nuk meriton dënim kolektiv nga nemt,mallkimet tona ! Jam e sigurte .Sa armikun e kemi në mesin tonë menja nuk ju merr. Atyre që ia kemi pa sherrin me vite se,ku t’i ςojmë, si t’i mallkojmë ?
Nëse i njomi shkon nëpër t’thatin , lere që edhe i thati të shkojë nëpër t’njomin !
Hatri t’njomit !
Mos harroni që të gjithë kemi fëmi ! E fëmiu im ç’faj ka për gjynahet e mija ?
Lere Zotin të dënojë mëkatarin pa e mallkuar ne !