Ajo shkrepi nji sy
Zemrën me ia thy
Bandilli nuk foli
Zani nuk i doli
Kitaren shëndrroi në violinë
Me tinguj për dashninë!
Ajo vrapoi me nxanë kitaren
Ai u skuq me marren
Zemrat nuk ndaleshin aspak
Veç kishin kriju konak!
Me sy dhe buzë
Me aromë misku në bluzë !
Ajo ma sy nuk shkrepi
As ai i shkreti!
Dashninë e shkrepën në gisht
Me rininë e parë t’fildishtë
Sytë e ti dhe të saj
U mbushën lot dhe vaj !
Dashnija fund nuk mori
Por rininë e tyne e vodhi !
Me te digjesh përvlohesh
T’jetosh pa te mësohesh
Ashik, dashni e parë
Zemër me trokitje të marrë !
Ah dashnija e parë
Që kurrë nuk ka të mbarë
Edhe kur ik e tretet
Në zemër me rudha dhe thinja mbetet !