I bukur është malli kur nënën kujtoj
Më mbush me vaj dhe me mallëngjim !
Dorën engjellore lehtë e ledhatoj,
Aty pran sajë edhe baba më rrin.
I qendis kujtimet në trurin tim
Nga fëmirija ime çka mē kanë mbetur
E përzgjedhi gjithmonë më të bukurin kujtim
Nga e kaluara ime dhe koha e vjetër !
Si fëmi u linda n’Gjeranat e mija
Piqshim gështenja në gaca druri
Ah sa e bukur më dukej shtëpija,
Ai prag i derës ajo fortesë nga guri !
Frymën që merrsha nga deti hapur
Dielli më dukej si Perendi,
Lumturia ime nuk kishte të matur,
Ah rini moj e kaluara rini !
Mall o mall i bukur je shumë
Në shpirt më lëndon por pa ty s’jetoj!
Nuk me ndahesh hiç ,dhe me rrjedh si një lum ,
Të mbaj me vehte dhe me ty udhëtoj!
