Teatri i parë në histori ia nisë me nderimet e Perendive në Greqinë antike.
Mendohet që e ka origjinën diku 532 para erës sonë me tragjedinë greke dhe aktorin e parë Thespis si pjesë e festivalit Dionysia në nderim të Zotit Dionysus .Vazhdon me histori të gjatë të mbështjellura me tragjeditë dhe komeditë e vet jetës me maskat , lotët,gazin dhe në fund me perden si vet jeta jonë që përfundon me një perde dhe asgjë tjetër .Përhapet në gjithë botën dhe vazhdon të jetë pjesë e qytetërimit anë e mbanë me çfaqje të ndryshme teatrale me balet opera dhe forma të ndryshme ku shtëpitë teatrale mbushen plot e perplot .Në metropolet botërore biletat nëse nuk i merr me kohë çmimet arrijnë deri £ 1000 .
Të flas për Ulqinin dhe teatrin më nevojitet shumë kohë .Vetëm çfaqja e fundit “Nana” nga regjizori Munib Abazi që u mbajtë mramë më jep një vullnet të thellë të shkruaj disa fjalë .Reagimet e familjes,shoqeve dhe komenteve të ndryshme më mbushin pak me mllef dhe më mërzit fakti se sa pak besim kemi në vetëvehten .Ulqinit i duhet një teatër një vend ku patjetër duhet të zgjohet populli nga gjumi ,nga hallet dhe monotonija që dalë ngadalë po e mbytë ,nga kuptimi i vet jetës që është e shkurtë dhe e shpejtë dhe përveç pak asaj që na knaq në jetë kurgjë nuk marrim me vehte.
Një vepër dhe art i bukur trashigohet me shekuj një pasuri që e trashigojnë brez pas brezi.Thesar që e ngrit kombin dhe trojet.
Eh…. e di sa ka nga ata që thojnë dhe qeshin “kemi halle tjera ne,teatri është gajle e fundit për qytetin ” Ose nëse flet për një operë apo pjesë teatrale edhe t’a hedhin anash ” a pate traditë nga nana e baba,gjyshi stërgjyshi ti moj “?
Nuk e di pse e kemi gjithë atë ironi në vetvehte at sarkazëm at mosbesim A duhet një traditë për çdo gjë në jetë që mua t’më pëlqej dhe t’ma knaq shpirtin a duhet që nana dhe baba im të ketë shku në teatër dhe opera që pastaj unë t’i knaqem asaj bukuri .A më duhet një leje nga dikush për pëlqimet dhe jetën time ? Nëse babat e nanat tonë nuk e patën atë fat të shkonin atëherë ne e paskemi të ndaluar me u knaq me një operë që na knaq dhe ushqen disa ditë në shpirt .E kush na garanton që shekuj më parë ata pasardhsit tonë nuk paskan ditë të knaqen me veprat e bukura !
Injoranca nuk ka kufi por mua shumë më dhemb mosguximi i rinisë i grave dhe bashvendasve të mi që i ngrijnë dëshirat e mshehura se veç mos dikush tjetër ka me i qesh !E punë e madhe ,se mos ai që të qesh na qenka më i mirë se ti ?! Po kush more të don më shumë se vetvehtja ?
Vetëm disa komente të shoqeve të mija se sa ishin knaq mramë me çfaqjen “Nana ” më zgjon një mllef të madh .
Shprehuni ,kërkoni ,flisni, guxoni .
Një çfaqje që zgjatë dy tri orë mua më duket si një udhëtim nëpër botë,më dërgon në kulturat e popujve të ndryshme në traditat e tyre në sensin e humorit , dashuritë e tempujve,Perëndive,dashuritë e humbura ,politikat e dështura ,tradhëtitë ,veset ,virtytetet,…qanë dhe qeshë pa u lodhur fare se kush të vërenë dhe i ulur në karrigën e vet fatit mundohesh të kuptosh kuptimin e jetës dhe njerëzimit .Prej djepit deri në frymën e fundit e përjeton gjatë një çfaqje ku herë çilet çadra dhe mundohesh t’i strehosh të gjithë nga shiu dhe fortunat e herë del dielli dhe ndritë zzemrat.Çohet dhe bie perdja.Hiqen maskat dhe fshihen lotët nga sytë.
Më duket si një udhëtim i gjatë qindra vjeçar që herë përfundon me fatkeqësi e herë me një fund të bukur.
Me ndryshim nga jeta e jonë,aty fatin e zgjedh autori vet .
Jam ma se e sigurtë se të gjitha ata motrat e mija që veç heshtin ,e kanë aftësinë e shkrimit dhe shprehjes një milion më të bukur se sa nga disa që shprehen çdo ditë.Përse komentet dhe dëshirat e tyre nuk i shoh se di as vetë !
Më duken si një vullkan që pret momentin e duron të shpërthejë nga mllefi,nga turpi i padrejtësisë.Idetë e shqiptareve vijnë nga buka dhe krypa toka dhe gjaku bujarija dhe fisnikërija.Mos harroni se një nanë shqiptare veç me miell dhe pak ujë e krypë din të bëjë mrekullina dhe ballhapur i pret një ushtri musafir dhe I rritë 10 fëmijë fisnik . “Nana ” pra aty ku nisë respekti dhe e gjithë dashurija sepse ajo është që nuk të zavendëson me botën .
Qyteti ynë meriton shumë e me shumë përveç bisedave për pajë,dhunti,spratat e pa krypë për stranca,dhe politikës faqezeze sepse nëse flasim veç për egzistencën kuptimi jetës merr fund nëse nuk flasim edhe për artin,pikturën,dramën muzikën dhe knaqësitë tjera të shpirtit
O sa e knaqin zemrën se ,edhe kur veç një £1 më mbetet në xhep nuk më dhimbet t’a ushqej zemrën time mbas gjithë problemeve në jetë që gjithë ne i kemi !
Munib ty dhe gjithë ekipit i dëshiroj suksese dhe një derë të hapur për qytetarët më të lashtë të Evropës ,një bahçe me komedi dhe perde si edhe vet jeta ,maskat dhe tragjeditë t’i largojë Zoti nga teatri i Ulqinit sepse edhe lulet kur çelin ajo e para të duket e vetmuar dhe pak si e turpshme por kur nisin e dalin e qendisin vendin me aromë dhe bukuri që e zgjatë edhe vet jetën sepse Ulqini ynë e meriton !