Edhe yjet e kanë ditëlindjen. Por ti nuk e feston.U shkëpute.
Ike në kaltërsinë e pafund,mes diellit,mes hënës dhe yjeve.Ike aty ku u shkëpute.
Sot të kujtojnë ditën e shkëputjes tënde ! Nuk pret më gushte tjera ! U këpute atë ditë marsi, ditë pranvere që qante me lot at vit. Nuk kishte pranverë atë vit .Ishte pa lule e shkreta ,ishte veç me tym dhe aromë gjaku ! Kudo por Gjakovën e kishte kapluar shume,se pranvera aty çelte gjithmonë!
Vajti edhe at vit,por nuk e lanë të lulzonte nga plumat,nga flaka dhe tymi !Ah sa qante pranvera at vit me nanat dhe jetimat e shkretë së bashku ! Me dënesë qante !
Pushon i qetë.Ndritë pa u ndalë.Je krenar që borxhin tënd e ke kry.Me zemër,me shpirt me jetë !
Më trego ,a tu dhimt jeta ?A tu këput shpirti kur e la nanën me dy fëmijë ?Familjen ?A mallkove të gjithë Universin që një Yllë po shuhet ?A mallkove atdheun që e deshte më tepër se jetën ? A frynte era mbi Çabratin që digjej ? Po zemra yte,a digjej nga ai tmerr ? Apo nuk pate kohë për emocione?Dashuria për atëdhe nuk priste ato ditë! Po digjej çdo anë !Dhe ti….ah si durohet që fëmijët e tuaj të rriten me frigë,me shqelm në fyt !
Si durohet të vdiset pa krenari ? Ti që vetë qe yll me bijën Krenare ? Eh…..po e mirë është jeta ! E bukur edhe kur e dhuron për ata që sot mburren me ty.
Sot u shpalle Hero I popullit.Për popullin qe hero që ditën që u shkëpute !Nuk pret populli !Nuk pret ditë,javë vite !Ata të shpallën atë ditë kur ike. Lotët e dy jetimave të shpallën !Lotët e gruas,familjes !Në sytë e tyre mbetesh Yll.Edhe në sytë e Gjakovës !
Sonte përkujtojnë ditëlindjen që nuk e pret më!
Dritën që nuk shuhet !Rrezet e yllit që ndrisin mbi kokat e dy jetimave me flakë dhe mallë në zemër! Krenarija tyre vie deri ke ti në qiellin plot yje !Dhe ti qesh sonte me zemër plot që ka kush të kujton dhe ka për çka !
Ditën që linde të thirën Yll.Nga dëshira e flakët e prindit që fëmiu të shëndrisë gjithmonë ! Dhe nuk gabuan .
Gjakova sonte shëndritë nga krenarija yte,nga gjaku që ia fale,nga zemra e trimit !
Gjakovës i lindi një Yll përsëri ,që shëndrit Çabratin ,rrugët me kalldram,Qarshinë e Vogël …..