Më eja moj verë më eja
Pse në Londër nuk vjen
Pak rreze t’mi bjen
Ik o dimën ik
Se nuk të ka hije
Na sill ngrohtësi
Asht kohë qershije
Pse kaq e ftoftë kjo kohë
Në mes të verës
Thuaj se Londrës
I rrin tinzake mbas derës
A nuk të vjen gjyna
Për ne jabanxhitë
Që e lam diellin atje
Dhe pragun që asht tuj na prit!
Eja moj verë eja
Sa shumë na vonohesh
Me këtë ngurrje ftohtësije
Hiç nuk durohesh!
Zymtë dhe terr qyteti
Hiç nuk ka çka na ban as mbreti
Edhe pse Kings Road vlon
Pa diell zemra s’shijon!
E sheh sa e fortë asht Perndija
Çon ndriçim veç në tokat e mia
Mbretnisë aspak nuk I frigohet
Drejtësi bjen edhe pse vonohet!
Verë
Aman na eja….!