Tak tak tak !
-Kush po troket në derë ?
-O gjyshe o gjyshe , ma çel derën se erdha, jam unë zemra vogël që po të sjell gëzim të madh , a nuk më prite me padurim ? Pasi ta hapësh derën , mbaje edhe zemrën të hapur sepse momentin që t’më takosh, aty do t’më mbash !
Jam unë me buzëqeshje të ëmbël si mjalta ,
Dy sy drenushe të dashur si Dreni
Një ngrohtësi si diell i nanës time Diellzës
Me një dashuri celestiale ,
Jam unë nipi yt i parë, xhemla jote ,
I kam dy duar të vocla, më shtrij dorën tande ta shtërngoj !
Ju sjelli një gëzim të madh!
Një ndjenje madhështore !
-Ohhhh ohhhh se kush na erdhi 🌞🌞
Mirë se na erdhe o dritë që ma ndrite shpirtin ! Paç fatin e madh dhe jetën e gjatë ❤️
Po pse kaq shpejtë my hyre në zemër o shpirti gjyshes ?
-Eh moj gjyshe nuk i ke ndegjuar më parë gjyshet tjera që ta shurdhojnë dhe plasin kokën me lavdata?
E ju , e ju gjyshet tjera tash pushoni pak me lavdata për nipat e mesat e juaja sepse rendin e ka gjyshja ime me folë gjithë kohën vetëm për mu! Sepse shëndris si dielli, jam i bukur si yll,si hana dhe ylberi dhe për gjyshen time jam më i miri botës ! Apo gjyshe….?
-Ah moj xhemla gjyshes e kam ditë që një djalë po na lind, por se kam ditë që je puro mjaltë , dallandysh, çamarrok ,xhan, sheqer e ku ta di se nga gëzimi as nuk më kujtohen gjitha nazet. Me festa na erdhe aty ku familjet mblidhen nën kulmin e bardhësisë së borës, me oxhakun e flakës të ngrohtë dhe zemrat e mbushura ngrohtësi . Me jetë të gjatë dhe shumë fat xhemla ime!